Словакия терма жамоаси Германия терма жамоасини 2:0 ҳисобида енгди. Бу Германия терма жамоасининг жаҳон чемпионати саралаш ўйинларида иштирок этиши тарихида иккинчи марта бир голдан кўпроқ фарқ билан мағлубиятга учраши эди.
Бундай ҳолат илк бор 2001 йил сентябрда Англияга қарши ўйинда юз берган бўлиб, ўшанда немислар 1:5 ҳисобида мағлуб бўлишган эди.
Эслатиб ўтамиз, Германия терма жамоаси тўрт карра жаҳон чемпиони ҳисобланади ва сўнгги марта 2014 йилда дунёнинг энг нуфузли футбол мусобақасида ғолиб чиққан эди. Ҳозирги жаҳон чемпиони эса ўша 2014-йилги финалда немисларга рақиб бўлган Аргентина ҳисобланади.
