Slovakiya terma jamoasi Germaniya terma jamoasini 2:0 hisobida yengdi. Bu Germaniya terma jamoasining jahon chempionati saralash o‘yinlarida ishtirok etishi tarixida ikkinchi marta bir goldan ko‘proq farq bilan mag‘lubiyatga uchrashi edi.
Bunday holat ilk bor 2001 yil sentyabrda Angliyaga qarshi o‘yinda yuz bergan bo‘lib, o‘shanda nemislar 1:5 hisobida mag‘lub bo‘lishgan edi.
Eslatib o‘tamiz, Germaniya terma jamoasi to‘rt karra jahon chempioni hisoblanadi va so‘nggi marta 2014 yilda dunyoning eng nufuzli futbol musobaqasida g‘olib chiqqan edi. Hozirgi jahon chempioni esa o‘sha 2014-yilgi finalda nemislarga raqib bo‘lgan Argentina hisoblanadi.
