Шанба оқшомида Англия терма жамоаси ЖЧ-2026 саралаши доирасида Андоррага қарши баҳс олиб боради. "Уч шерлар" бош мураббийи Томас Тухель ушбу ўйин ҳақида фикр билдирди.
"Бундай мудофаа блокини синдириш - бу сақичга ўхшаш нарса. Кўпроқ энергия ва иштиёқ билан ўйнашимиз керак ва ишончим комилки, буни уддалаймиз. Андорра яхши тайёргарлик кўрган жамоа. Улар нима қилаётганини билишади, ахир улар кўп йиллардан бери битта мураббий билан ишлайди," - деди Тухель журналистларга матбуот анжуманида.
Июнь ойида Англия терма жамоаси сафарда Андоррани 1:0 ҳисобида мағлуб этди. Ягона гол муаллифи Харри Кейн бўлганди.
