«Эспаньол»нинг собиқ футболчиси ва мураббийи Маурисио Почеттино нега у ҳеч қачон «Барселона»ни бошқармаслигини тушунтирди.

«Одамлар мени тез-тез сўрайди: «Агар «Барселона» сенга таклиф берса, нима дердинг?» деб. Мен эса «Барселона»ни ҳеч қачон бошқармаслигимни айтаман.

Айтишадики, «Барса» — клубдан ҳам ортиқ. Бу нимани англатади? Биз болаларни муайян тарзда тарбиялашимиз керак деганими? Менимча, «Барселона» бу масалада адашяпти. «Барса» — ажойиб клуб, лекин улар бошқаларга сингдирмоқчи бўлган ғояларни мен қўллаб-қувватламайман. Меним фикримча, «Эспаньол» — «Барселона»га қараганда анча кўпроқ Каталония клуби», — дея Почеттинонинг сўзларини "Marca" El Cafelito подкастига таяниб келтиради.