"Пари Сен-Жермен" вингери Усмон Дембеле Франция терма жамоаси сафида жароҳат олди.
"Уч ранглилар" бош мураббийи Дидье Дешам футболчини фақат Украина терма жамоаси билан ўйиннинг танаффусида майдонга туширди, аммо "Олтин тўп"нинг потенциал эгасини барибир жароҳатдан қутқариб қолишнинг иложи бўлмади - у 81-дақиқада алмаштирилди. Кейинроқ футболчи тизза ости пайининг шикастланиши туфайли терма жамоа қароргоҳини муддатидан олдин тарк этиши маълум бўлди.
"ПСЖ" Дембеленинг жароҳати ҳақидаги хабарлардан қаттиқ ғазабланди, деб ёзади Le Parisen. Париж гранди вакиллари бир неча бор Франция терма жамоаси мураббийлар штабидан Усмонни Украинага қарши ўйинда майдонга туширмасликни сўраган. Дешам ва унинг ёрдамчилари "ПСЖ"нинг "ҳурматсизлик" ва "ақлсизлик" деб баҳоланган илтимосларни "эътиборсиз қолдиришди".
