Испания терма жамоаси вингери Ламин Ямал соғайиб, Туркияга қарши бўлажак ўйинда майдонга тушишга тайёр.
18 ёшли футболчи белида ноқулайлик ҳис қилган, шу сабабли у пайшанба куни Болгарияга қарши кечган ўйин охирида захирага олинган эди. Муаммо унчалик жиддий эмаслиги маълум бўлди: Barca Universal хабарига кўра, Ямал 7 сентябрь, якшанба куни бўлиб ўтадиган Туркияга қарши ўйинда майдонга тушиши мумкин. Ўйин Тошкент вақти билан 23:45 да старт олиши режалаштирилган.
Болгария терма жамоаси билан ўйинда "қизил фурия" йирик 3:0 ҳисобида ғалаба қозонди. Ламин Ямал голли узатмани амалга оширди.
