"Реал Мадрид"нинг ҳужумкор ярим ҳимоячиси Франко Мастантуоно Аргентина терма жамоасида Лионель Месси билан бирга ўйнагандаги таассуротлари билан ўртоқлашди.
18 ёшли ўсиб бораётган юлдуз ва 38 ёшли афсона яқинда 2026 йилги Жаҳон чемпионати саралашида Венесуэлага қарши ўйинда майдонга тушишди.
Учрашув “альбиселесте”нинг 3:0 ҳисобидаги ғалабаси билан якунланди. Месси дубл қайд этди. "Месси билан ўйнаш - бир умрлик орзу. Мен болалигимдан уни ўзимнинг кумирим деб билишимни ҳар доим айтганман", - деди вундеркинд интервьюсида.













