"Барселона" вингери Маркус Рэшфорд Англия терма жамоасининг Андоррага қарши кечган учрашувида иштирок этди. 27 ёшли футболчи асосий таркибда майдонга тушди ва "уч шерлар"нинг 2:0 ҳисобидаги ғалабаси билан якунланган учрашувнинг 68-дақиқасига қадар ҳаракат қилди. Opta хабарига кўра, Рэшфорд "Барселона" тарихида Англия терма жамоасида ўйнаган иккинчи футболчи бўлди. Биринчиси машҳур Гари Линекер (1986 йилдан 1989 йилгача).
Маркус Рэшфорд Каталония клуби томонидан "Манчестер Юнайтед"дан сотиб олиш шарти билан жорий мавсум якунига қадар ижарага олинган. Умумий ҳисобда "қизил иблислар" тарбияланувчиси Англия терма жамоаси сафида 63 та ўйинда майдонга тушиб, 17 та гол урган.
