"Барселона" ҳужумчиси Роберт Левандовски ҳақиқатдан ҳам мавсум-2025/26 якунлангач, клубни тарк этиши мумкин, деб хабар беради Sport.es.

37 ёшли польшаликнинг шартномаси 2026 йилнинг 30 июнига қадар мўлжалланган бўлиб, манба маълумотига кўра, томонлар уни узайтиришни режалаштирмаяпти. Клуб спорт директори Деку Робертни кейинги мавсумда жамоанинг марказий ҳужумчиси сифатида кўрмаяпти.

Шунингдек, "Барселона" польшалик футболчининг ўрнига ҳужумчилар рўйхатини тайёрлаб қўйгани айтилмоқда. Унга Александр Исак ("Ливерпуль"), Хулиан Альварес ("Атлетико") ва Эрлинг Холанд ("Манчестер Сити") киради, аммо уларнинг барчаси иқтисодий қийинчиликлар туфайли "кўк-анорранглилар"га ҳозирча тўғри келмайди.