"Интер" сардори Хакан Чалханўғли жамоадошларини танқид қилгани ҳақидаги саволга жавоб берди.

Июнь ойи охирида “нерадзуррилар” клублар ўртасидаги жаҳон чемпионатидан чиқиб кетиб, 1/8 финалда Бразилиянинг “Флуминенсе” жамоасига имкониятни бой бериб қўйганди (0:2).

Ўйиндан кейин берган интервьюсида аргентиналик футболчи “Интер”да ўйнашни истамаган жамоадошларидан норози эканини айтди.

"Мен бу сўзлардан афсусланаманми? Тушунмовчилик бўлди. Менга баъзи нарсалар ёқмади, лекин мен умуман жамоа ҳақида гапирган эдим, алоҳида футболчи ҳақида эмас.

Бу кимгадир ёқмаслиги мумкин, лекин мен ўша пайтда сардор сифатида шундай ўйлагандим. Кейинчалик ҳаммаси ойдинлашди, ҳеч қандай муаммо йўқ, бизда ягона мақсад бор", - деди Лаутаро.