Мадриднинг "Реал" клуби ҳужумкор ярим ҳимоячиси Жуд Беллингем тўп билан машғулотларни бошлашга тайёр. Бу ҳақда Marca хабар бермоқда.
Манбага кўра, футболчи янги ҳафтадаёқ тўп билан югуриш машғулотларини бошлашни режалаштирмоқда. Бундан ташқари, унинг умумий гуруҳда қисман иштирок этиши ҳам истисно этилмайди. Таъкидланишича, Беллингем ўзини жуда яхши ҳис қилмоқда ва жамоасига имкон қадар тезроқ ёрдам беришни хоҳламоқда.
Эслатиб ўтамиз, Беллингемнинг елкасида жарроҳлик амалиёти ўтказилган, шу боис у жорий мавсумда майдонга тушгани йўқ. "Реал"нинг навбатдаги ўйини 13 сентябрь куни бўлиб ўтади. Шу куни Хаби Алонсо шогирдлари "Реал Сосьедад" меҳмони бўлади.
