Ўтмишда машҳур бўлган англиялик футболчи Жо Коул "Манчестер Сити" ҳужумкор ярим ҳимоячиси Фил Фоденнинг ўйини ҳақида фикр билдирди.

"Ўтган мавсум у учун қийин кечди. Аммо унга ўхшаган ўйинчилар билан боғлиқ вазиятда ишончни сақлаб қолиш керак. Фоден ундан аввалги мавсумдаги каби энг яхши формада бўлганида, у мамлакатнинг энг яхши футболчисига айланади," - дея Коулнинг сўзларини келтиради ТНТ Sports.

Ўтган мавсумда 25 ёшли вингер "шаҳарликлар" сафида барча мусобақаларда 49 та ўйинда майдонга тушиб, ўз ҳисобига 13 та гол ва 7 та голли узатмани ёздириб қўйди.