"Реал"нинг собиқ футболчиси Стив Макманаман бу ёзда Мадрид клубига ўтган қанот ҳимоячиси Трент Александр-Арнольд ҳақида ўз фикрини билдирди.
"Футбол жиҳатидан мослашиш қийин бўлмайди: кўпчилик инглиз тилида гаплашади, бу унга ёрдам беради ва у тезда жамоага қўшилиб кетади. Охир-оқибат, уни ўйини бўйича баҳолашади, Трент эса ажойиб футболчи, шунинг учун унга бирор муаммо туғилади деб ўйламайман," - дея Макманаманнинг сўзларини келтиради AS.
Трент "Реал"га "Ливерпуль"дан 10 миллион евро эвазига ўтган. "Қаймоқранглилар" сафида инглиз футболчи барча мусобақаларда саккизта ўйин ўтказиб, иккита голли узатмани ўз ҳисобига ёздиришга улгурди.
