"Наполи" марказий ҳимоячиси Амир Ррахмани Косово терма жамоаси сафида олган жароҳати туфайли бир неча ўйинни ўтказиб юбориши мумкин. Бу ҳақда Football Italia нашри хабар бермоқда.

Футболчи жаҳон чемпионати саралашида Швейцарияга қарши ўйинда ўзини ноқулай ҳис қилди. Косово терма жамоаси мураббийлар штаби шифокорлар билан маслаҳатлашиб, Ррахманини кейинги ўйин қайдномасидан чиқаришга қарор қилди. Ҳимоячи тез орада "Наполи"да чуқур текширувдан ўтади. Футболчи 13 сентябрь куни "Фиорентина"га қарши ўйинни ўтказиб юбориши мумкин.

Ўтган мавсумда Ррахмани неаполликларнинг 39 ўйинида қатнашиб, 1 та гол урди ва учта голли узатмани амалга оширди. Италия чемпионатининг 2-туридан сўнг "Наполи" 6 очко билан 2-ўринда бормоқда.