"Napoli" markaziy himoyachisi Amir Rraxmani Kosovo terma jamoasi safida olgan jarohati tufayli bir necha o‘yinni o‘tkazib yuborishi mumkin. Bu haqda Football Italia nashri xabar bermoqda.
Futbolchi jahon chempionati saralashida Shveysariyaga qarshi o‘yinda o‘zini noqulay his qildi. Kosovo terma jamoasi murabbiylar shtabi shifokorlar bilan maslahatlashib, Rraxmanini keyingi o‘yin qaydnomasidan chiqarishga qaror qildi. Himoyachi tez orada "Napoli"da chuqur tekshiruvdan o‘tadi. Futbolchi 13 sentyabr kuni "Fiorentina"ga qarshi o‘yinni o‘tkazib yuborishi mumkin.
O‘tgan mavsumda Rraxmani neapolliklarning 39 o‘yinida qatnashib, 1 ta gol urdi va uchta golli uzatmani amalga oshirdi. Italiya chempionatining 2-turidan so‘ng "Napoli" 6 ochko bilan 2-o‘rinda bormoqda.
