Яқинда El Nacional нашри саҳифаларида "Барселона" ижарага олган Маркус Рэшфордни "Манчестер Юнайтед"га қайтиши мумкинлиги ҳақида маълумот пайдо бўлди. Бу маълумотни испаниялик журналист Гильям Балаге рад этди.
Манбанинг хабарига кўра, "Барселона" инглиз футболчисидан мамнун. Каталония клуби мураббийлар штаби Рэшфорд формасини тиклаб, барқарор ўсиб боришига ишонмоқда. "Кўк-анорранглилар" у билан вақтли хайрлашишни режалаштирмаяпти.
Эслатиб ўтамиз, Рэшфорд жорий мавсум якунига қадар "Барселона" шарафини ҳимоя қилади. Ҳозирча ҳужумчи Испанияда учта ўйинда майдонга тушди, бироқ голли ҳаракатлар амалга оширмади.
