Марказий ҳимоячи Кристиано Пиччини профессионал фаолиятини якунлаганини эълон қилди.

32 ёшли футболчи "Бетис", "Фиорентина", "Валенсия", "Спортинг", "Специя", "Ливорно", "Црвена Звезда", "Сампдория" ва бошқа клубларда тўп сурган. Шунингдек, у Италия терма жамоаси сафида учта ўйин ўтказган.

Ижтимоий тармоқларда эълон қилинган хайрлашув мактубида Пиччини ёшлигидаги ўзига мурожаат қилган. У ҳовлида ўйнай бошлаганини, орзуга ишонганини ва терма жамоа даражасига чиқишга муваффақ бўлганини эслади. Футболчи нафақат ғалабалар қувончини, балки синовларни ҳам қайд этди - тиззасидаги оғир жароҳат, руҳий тушкунлик, ёлғизлик ва фаолиятидаги умидсизликлар.

Пиччинининг таъкидлашича, у асосий ютуқларни унвонлар эмас, балки оила ва фарзандлари учун отанинг роли деб билади. "Ҳақиқий муваффақият - бу нима бўлишидан қатъи назар, улар учун қаҳрамон эканлигингни ҳис қилган ҳолда уйга қайтишдир," - деб ёзади у.