Жаҳон чемпионати–2026 Европа саралаши 2-туридан ўрин олган Швейцария — Словения учрашуви якунига етди. Базель шаҳридаги «Санкт-Якоб Парк» стадионида бўлиб ўтган беллашувда майдон эгалари 3:0 ҳисобида зафар қучди.

18-дақиқада Нико Эльведи ҳисобни очди. 33-дақиқада Брил Эмболо ҳисобдаги фарқни оширди. 38-дақиқада эса Дан Ндой учинчи голни киритди.

Бу ғалабадан кейин Швейцария 6 очко билан “B” гуруҳи жадвалида пешқадамлик қилмоқда. Словения эса 1 очко билан охирги ўринда қолди.

Кейинги турда Швейцария 10 октябрь куни сафарда Швецияга қарши ўйнайди. Словения эса худди шу санада Косовога қарши меҳмонда баҳс олиб боради.

ЖЧ–2026. Европа. “B” гуруҳи. 2-тур
2025 йил 8 сентябрь, душанба. 23:45
Швейцария — Словения — 3:0
Голлар: 1:0 — Эльведи (18’), 2:0 — Эмболо (33’), 3:0 — Ндой (38’)