"Ливерпуль" ёзги трансфер ойнасида Федерико Кьезани қўйиб юбормади. Ўтган ҳафтада италиялик футболчи учун "Бешиктош" таклиф билан чиққан эди: турк клуби вингерни сотиб олиш имконияти билан ижарага олишга тайёр эди, аммо "қизиллар" рад жавобини беришди. Бундан ташқари, инсайдер Николо Скиранинг таъкидлашича, июль ойида А Сериянинг икки вакили футболчини ўз томонига оғдириб олишга уринган.
"Ливерпуль"да Федерико Кьеза Англиядаги дебют мавсумини муваффақиятсиз ўтказганига қарамай, у билан хайрлашишга умуман қизиқиш йўқ. Эътиборлиси, инглиз гранди 27 ёшли футболчини жорий йилги Чемпионлар лигаси мусобақасининг умумий босқичига киритмади.
