"Барселона" вингери Рафинья Диас Бразилия терма жамоасининг Боливияга қарши ўйинида дам олиши мумкин.

ЖЧ-2026 саралаш босқичи учрашуви сешанбадан чоршанбага ўтар кечаси бўлиб ўтади, старт ҳуштаги Тошкент вақти билан 04:30 да янграйди. Diario Sport нашри тарқатган хабарга кўра "селесао" жамоаси бош мураббийи Карло Анчелотти Рафиньяга дам беришни режалаштирмоқда - 28 ёшли футболчи ўйинни захирада бошлаши кутилмоқда.

Бразилия терма жамоаси келаси йил ёзда АҚШ, Канада ва Мексикада бўлиб ўтадиган жаҳон чемпионатида иштирок этишни аллақачон кафолатлаган.