Мадриднинг "Реал" клуби ярим ҳимоячиси Орельен Тчуамени "Бавария" шарафини ҳимоя қилаётган Франция терма жамоасидаги жамоадоши Майкл Олисенинг ўйинидан ҳайратда эканини айтди.
23 ёшли вингер Мюнхен клубида мавсумни ажойиб бошлади, яқинда эса Франция терма жамоаси сафида Украинага қарши ўйинда (2:0) гол урди.
"Мени энг ҳайратга соладигани, Олисенинг ҳамма нарсани осонликча бажариши. У тўп билан шу қадар хотиржам муомала қиладики, унга қараб туриб, "У учун ҳамма нарса жуда оддий" деб ўйлайсиз. Фантастик ўйинчи. Буни ҳар ҳафта "Бавария"да кўряпмиз, энди эса у Франция терма жамоасида ҳам ном қозонмоқда. Унинг иштироки бизга устунлик беради," - деди Тчуамени матбуот анжуманида.
