Мамлакат кубогининг амалдаги ғолиби ҳисобланган Англиянинг "Кристал Пэлас" клуби бош мураббий Оливер Гласнер билан янги шартнома имзолашга бел боғлаган. Бу ҳақда Football Insider нашри хабар бермоқда.
"Кристал Пэлас" мавсум охирида Гласнер клубни тарк этиши мумкинлигидан хавотирда. Манбага кўра, мураббий агар жамоа ҳимоячиси Марк Гехи бошқа клубга сотиб юборилса ва унга муносиб ўринбосар топилмаса, жамоани муддатидан олдин тарк этиш билан таҳдид қилган. Натижада, Гехининг "Ливерпуль"га трансфери амалга ошмай қолди.
Сўнгги маълумотларга кўра, 2024 йилдан бери "бургутлар" билан ишлаётган Гласнер трансфер бозорида амбициялар йўқлиги сабабли раҳбариятдан ҳафсаласи пир бўлган.
