Mamlakat kubogining amaldagi g‘olibi hisoblangan Angliyaning "Kristal Pelas" klubi bosh murabbiy Oliver Glasner bilan yangi shartnoma imzolashga bel bog‘lagan. Bu haqda Football Insider nashri xabar bermoqda.

"Kristal Pelas" mavsum oxirida Glasner klubni tark etishi mumkinligidan xavotirda. Manbaga ko‘ra, murabbiy agar jamoa himoyachisi Mark Gexi boshqa klubga sotib yuborilsa va unga munosib o‘rinbosar topilmasa, jamoani muddatidan oldin tark etish bilan tahdid qilgan. Natijada, Gexining "Liverpul"ga transferi amalga oshmay qoldi.

So‘nggi ma’lumotlarga ko‘ra, 2024 yildan beri "burgutlar" bilan ishlayotgan Glasner transfer bozorida ambisiyalar yo‘qligi sababli rahbariyatdan hafsalasi pir bo‘lgan.