"Бавария" бошқарув кенгаши аъзоси Ули Хёнесс трансфер бозори ҳақида гапирди. Хёнесснинг сўзларига кўра, мюнхенликлар футболчилар учун ортиқча пул тўламоқчи эмас.
"Биз "Бавария"да жуда мамнунмиз. Биз ёзги трансфер ойнасининг ҳақиқий ғолибларимиз. Бизда кучли жамоа бор ва уни кучайтиришнинг ҳожати йўқ эди. Албатта, биз Флориан Вирцга эга бўлишни истардик, аммо уни ҳеч қачон 150 миллион еврога сотиб олмаган бўлардик," - дея Хёнесснинг сўзларини келтиради Goal портали.
Эслатиб ўтамиз, ёзги трансфер ойнасида Флориан Вирц "Байер"дан "Ливерпуль"га ўтган эди. ОАВ маълумотларига кўра, футболчининг трансфер суммаси 125 миллион еврони ташкил этган ва бу эҳтимолий бонусларни ҳисобга олмаганда.
