France Football "Реал" билан муносабатларни яхшилашга ҳаракат қилмоқда.
Эслатиб ўтамиз, ўтган йили "Олтин тўп"ни топшириш маросими "Ман Сити" яримҳимоячиси Родрига топширилгач, можаро билан якунланганди. Соврин Винисиусга насиб этмаганидан хабар топган "Реал" ўз делегациясининг Парижга боришни бекор қилди ва соврин ташкилотчилари билан муносабатларни узди.
Marca хабарига кўра, France Football сўнгги ойларда "Реал" билан муносабатларни тиклашга ҳаракат қилмоқда. Франция делегацияси 22 сентябрь куни бўлиб ўтадиган навбатдаги маросим олдидан ўзаро келишувга эришиш мақсадида Мадридга келган. Бироқ музокаралар муваффақиятсиз якунланди.
Қайд этилишича, "Реал" ўтган маросимда нима бўлганини, айниқса, овозларни ҳисоблаш тизими ва уларни қўллаш мезонлари нима сабабдан ўзгартирилганини ҳалигача тушунмаяпти.













