France Football "Real" bilan munosabatlarni yaxshilashga harakat qilmoqda.

Eslatib o‘tamiz, o‘tgan yili "Oltin to‘p"ni topshirish marosimi "Man Siti" yarimhimoyachisi Rodriga topshirilgach, mojaro bilan yakunlangandi. Sovrin Vinisiusga nasib etmaganidan xabar topgan "Real" o‘z delegasiyasining Parijga borishni bekor qildi va sovrin tashkilotchilari bilan munosabatlarni uzdi.

Marca xabariga ko‘ra, France Football so‘nggi oylarda "Real" bilan munosabatlarni tiklashga harakat qilmoqda. Fransiya delegasiyasi 22 sentyabr kuni bo‘lib o‘tadigan navbatdagi marosim oldidan o‘zaro kelishuvga erishish maqsadida Madridga kelgan. Biroq muzokaralar muvaffaqiyatsiz yakunlandi.

Qayd etilishicha, "Real" o‘tgan marosimda nima bo‘lganini, ayniqsa, ovozlarni hisoblash tizimi va ularni qo‘llash mezonlari nima sababdan o‘zgartirilganini haligacha tushunmayapti.