Мадриднинг "Реал" клуби икки футболчиси билан хайрлашишга қарор қилди.
Defensa Central нашрининг хабар беришича, Мадрид клуби ҳимоячилар Давид Алаба ва Антонио Рюдигер билан шартномани узайтирмайди. 33 ёшли Алаба ва 32 ёшли Рюдигернинг "Реал" билан амалдаги шартномаси 2026 йилнинг ўрталарига қадар амал қилади.
Шу тариқа, кейинги ёзда ҳимоячилар Мадрид клубини эркин агент сифатида тарк этишлари мумкин. Шу билан бирга, манба "Реал Мадрид"нинг трансфер мақсади ҳимоячи Ибраҳима Конате эканлигини таъкидлайди.
Қизиғи, у эркин агент сифатида келиши мумкин - 26 ёшли Конатенинг "Ливерпуль" билан шартномаси мавсум охиригача амал қилади.













