Бразилиянинг "Фламенго" футбол клуби Бирлашган Миллатлар Ташкилотига (БМТ) ўз мухлисларини алоҳида давлат сифатида тан олиш сўровини юборди.
"Тўғри: қизил ва қора халқ дунёдаги биринчи рамзий-маданий миллат сифатида тан олинишни истайди. Биз бир туйғу билан бирлашган 45 миллиондан ортиқ халқмиз. Бизнинг ўз маданиятимиз, ўз ҳудудимиз, ўз байроғимиз, ўз тилимиз бор", - дейилади "Фламенго" матбуот хизмати баёнотида.
Ҳозирда "Фламенго" ўз ниятларининг жиддийлигини исботлаш учун БМТга петиция юбориш учун имзо тўпламоқда.
"Фламенго" 1895 йилда Рио-де-Жанейрода ташкил этилган ва Бразилиядаги энг машҳур клуб ҳисобланади. У етти марта миллий чемпионатда ва уч марта Либертадорес кубогида ғолиб чиққан.
