«Бунёдкор»нинг ёшлар жамоаси биринчи даврани пешқадам сифатида якунлади.

Ёш «қалдирғочлар» 13 учрашувда 34 очко жамғаришди ва мусобақа жадвалидаги энг асосий рақиблари – «Локомотив» ва «Пахтакор» жамоалари ёшларини 6 очколик фарқ билан ортда қолдиришяпти.

Александр Мочинов шогирдлари 13 учрашувнинг 11тасида ғалаба, биттасида дуранг ва яна бир ўйинда мағлубият қайд этишди. Жамоамизнинг урилган ва ўтказилган тўплари фарқи – 34:14ни ташкил этади.

Ҳимоячи Ҳасан Асқаров биринчи давранинг барча учрашувларида ҳаракат қилган ягона футболчи ҳисобланади. У 13 ўйинда жами 1152 дақиқа ўйнади.

Тўпурарлар ҳақида гап кетганда Баҳодир Пардаев ва Сардор Рашидовни тилга олиб ўтиш лозим. Пардаев 7 ўйинда еттига голга муаллифлик қилди, Рашидов эса бундан кўрсаткични олти учрашувда расмийлаштирди. Шунингдек, ярим ҳимоячи Сардор Азимов ҳисобида 5та гол мавжуд.

Умуман олганда, ёшларимиз сафида биринчи давра учрашувларида 29 нафар футболчи майдонга тушди.