Вингер Николас Гонсалес битта шарт бажарилса, Мадриднинг "Атлетико" клубига доимий асосда ўтиши аниқ.
"Матрасчилар" аргентиналик футболчини жорий мавсум якунига қадар "Ювентус"дан ижарага олди. Инсайдер Фабрицио Романонинг маълум қилишича, агар футболчи Ла Лига жорий мавсумининг қолган 35 ўйинидан 21 тасида майдонда камида 45 дақиқа ўйнаса, сотиб олиш банди мажбурий бўлади. Шарт бажарилмаса, харид қилиш ихтиёрий бўлиб қолади.
Николас Гонсалес ҳали Диего Симеоне жамоасида дебют қилишга улгурмади. 27 ёшли футболчининг transfermarkt порталидаги нархи 24 млн еврога баҳоланмоқда.













