Мадриднинг "Реал" клуби "Тоттенхэм" шарафини ҳимоя қилаётган Микки ван де Вен учун кураш олиб бормоқчи. Бу ҳақда Fichajes хабар бермоқда.
Манбага кўра, "қаймоқранглилар" нидерландиялик футболчини яқинлашиб келаётган қишдаги трансфер мақсадларидан бири сифатида кўрмоқда. Қайд этилишича, "Реал" ҳимоячи учун тахминан 80 млн евро беришга тайёр.
Ўтган мавсумда ван де Вен "Тоттенхэм" сафида барча мусобақаларда 22 та ўйинда майдонга тушиб, 2 та голга ҳаммуаллифлик қилган. Унинг "шпорлар" билан шартномаси 2029 йилда якунига етади. Transfermarkt портали 24 ёшли футболчини 50 млн еврога баҳоламоқда.













