"Брентфорд"нинг собиқ форварди, ҳозирда Саудия Арабистонининг "Ал-Аҳли" клубида тўп сураётган Айвен Тоуни Англия фонида ўз жамоаси ва чемпионатининг кучини баҳолади. Тони Роналдунинг сўзларини такрорлаб, "туялар лигаси" энг яхшилар билан бир хил даражада эканини таъкидламоқда.
"Роналду бутун дунёни кезиб чиқди ва эҳтимол мендан кўра кўпроқ нарсани билади, чунки мен фақат АПЛ, Чемпионшип, биринчи ва иккинчи лигаларда ўйнаганман. Мен учун Саудия Арабистони чемпионати Англия чемпионати билан бир хил даражада," - дея Тонининг сўзларини келтиради The Telegraph.
"Агар "Ал-Аҳли" АПЛда бўлганида, биз курашган ва кучли тўртликка яқин бўлган бўлардик. Бу сифатли турнир ва одамлар уни тан олиши керак. "Ал-Ҳилол" "Манчестер Сити"га қарши ўйнаб, уларни мағлуб этганини кўрдик".
Тони Саудия Арабистони чемпионатининг 2024-25 йилги мавсумида тўпурарлар пойгасида Криштиану Роналдудан 2 та гол ортда қолиб, иккинчи ўринни эгаллади.
