Мадриднинг "Атлетико" клуби бош мураббийи Диего Симеоне ўз жамоаси ва Аргентина терма жамоаси ҳужумчиси Хулиан Альваресни замонавий футболдаги энг яхши футболчи эканлигини айтди.
Испаниянинг El Partidazo de COPE радиоси орқали суҳбат чоғида аргентиналик мутахассисдан Альварес ва бир қатор жаҳон миқёсидаги юлдузлар ўртасида танлов қилиш сўралган – улар орасида Жуд Беллингем, Ламин Ямал, Муҳаммад Салоҳ, Эрлинг Холанд, Винисиус Жуниор ва Килиан Мбаппе бор эди. Симеоне барча ҳолатларда ҳамюрти Альваресни танлади.
Эслатиб ўтамиз, жорий мавсумда 25 ёшли Альварес Испания чемпионатида учта ўйин ўтказиб, битта гол урган.
