Madridning "Atletiko" klubi bosh murabbiyi Diyego Simeone o‘z jamoasi va Argentina terma jamoasi hujumchisi Xulian Alvaresni zamonaviy futboldagi eng yaxshi futbolchi ekanligini aytdi.
Ispaniyaning El Partidazo de COPE radiosi orqali suhbat chog‘ida argentinalik mutaxassisdan Alvares va bir qator jahon miqyosidagi yulduzlar o‘rtasida tanlov qilish so‘ralgan – ular orasida Jud Bellingem, Lamin Yamal, Muhammad Saloh, Erling Xoland, Vinisius Junior va Kilian Mbappe bor edi. Simeone barcha holatlarda hamyurti Alvaresni tanladi.
Eslatib o‘tamiz, joriy mavsumda 25 yoshli Alvares Ispaniya chempionatida uchta o‘yin o‘tkazib, bitta gol urgan.
