Даниялик ҳужумкор ярим ҳимоячи Кристиан Эриксен Германиянинг "Вольфсбург" клуби футболчиси сифатида расман таништирилди. Шартнома икки йилга имзоланган ва футболчининг трансфери эркин агент мақомида амалга оширилган.
Эслатиб ўтамиз, Эриксен сўнгги уч йил давомида "Манчестер Юнайтед"да ўйнаган, бунгача у Европа чемпионатида юраги тўхтаб қолиши билан боғлиқ воқеадан сўнг "Брентфорд"да тикланаётган эди. Эриксеннинг фаолиятида "Аякс", Лондоннинг "Тоттенхэм" ва Миланнинг "Интер" клублари ҳам бор. Кристианнинг Дания терма жамоасидаги фаолияти 15 йилни ўз ичига олади, у жамоа сафида 144 та ўйин ўтказган.
"Вольфсбург" Германия чемпионатининг ўтган мавсумида 11-ўринни эгаллаган эди.
