Daniyalik hujumkor yarim himoyachi Kristian Eriksen Germaniyaning "Volfsburg" klubi futbolchisi sifatida rasman tanishtirildi. Shartnoma ikki yilga imzolangan va futbolchining transferi erkin agent maqomida amalga oshirilgan.
Eslatib o‘tamiz, Eriksen so‘nggi uch yil davomida "Manchester Yunayted"da o‘ynagan, bungacha u Yevropa chempionatida yuragi to‘xtab qolishi bilan bog‘liq voqeadan so‘ng "Brentford"da tiklanayotgan edi. Eriksenning faoliyatida "Ayaks", Londonning "Tottenxem" va Milanning "Inter" klublari ham bor. Kristianning Daniya terma jamoasidagi faoliyati 15 yilni o‘z ichiga oladi, u jamoa safida 144 ta o‘yin o‘tkazgan.
"Volfsburg" Germaniya chempionatining o‘tgan mavsumida 11-o‘rinni egallagan edi.













