"Реал"нинг украиналик дарвозабони Андрей Лунин жамоанинг умумий гуруҳ машғулотларига қайтди.
Лунин 30 август куни бўлиб ўтган "Мальорка"га қарши ўйиндан (2:1) олдин бел соҳасида ноқулайлик сезган. Шундан сўнг, Андрей Украина терма жамоаси қароргоҳига келди, аммо тикланишга улгурмади ва миллий терма жамоа бош мураббийи Сергей Ребров украиналикни Испанияга жўнатишга қарор қилди.
Аввалроқ, Андрей Лунин ёзги трансферлар ойнаси якунида "Трабзонспор"га ўтиш вариантидан воз кечгани хабар қилинганди.













