Мадриднинг "Реал" клуби таянч ярим ҳимоячиси Орельен Тчуамени испаниялик мутахассис Хаби Алонсо қўл остида ўйнаш ҳақида гапирди.
"Менга бу мураббий билан ишлаш ёқади. У билан муносабатларимиз жуда яхши. Айни дамда ҳар бир беллашувга эътибор қаратяпман, жамоадошларимга ёрдам бермоқчиман. Яна олдинга силжиш ниятидаман," - дея франциялик футболчининг сўзларини келтиради Marca газетаси.
Эслатиб ўтамиз, Алонсо 2024/2025 йилги мавсум якунлангач, "қаймоқранглилар" бош мураббийи лавозимини эгаллаганди.













