Пайшанба куни "Спартак" бош мураббийи Деян Станкович туғилган кунини нишонламоқда. Бунга "Интер" муносабат билдирди.
"Интер"нинг ижтимоий тармоқларида Сербиялик футболчининг клуб сафида ўйнаган пайтидаги суратлари жойлаштирилган постни кўриш мумкин.
"Туғилган кунинг билан, Деян", - дейилади сурат тагида.
Деян Станкович 2004-2013 йилларда "Интер"да ўйнаган, шундан сўнг бутсаларини михга илган. Сербиялик мутахассис 2024 йилнинг ёзида "Спартак" бош мураббийига айланганди.













