"Манчестер Сити" дарвозабони Жанлуижи Доннарумма Жеймс Траффорд билан асосий таркиб учун кураш ҳақидаги саволга жавоб берди.
Италиялик сентябрь ойи бошида "ПСЖ"дан жамоа сафига қўшилган, инглиз эса бироз олдинроқ "Бёрнли"дан сотиб олинган эди.
"Рақобат ҳамма учун фойдали, шунинг учун мен хурсандман. Жеймс ва бошқа жамоадошларим билан учрашишни интиқлик билан кутяпман. Биз ҳамма бир-бирига ғамхўрлик қиладиган кучли, аҳил жамоани яратишимиз керак. Менимча, бу муваффақиятнинг асосий таркибий қисми. Ишончим комилки, биз Траффорд ва бошқалар билан биргаликда бу мавсумни "Манчестер Сити" учун муваффақиятли қиламиз," - дея Доннарумманинг сўзларини келтиради City Report.
