Дарвозабон Жанлуижи Доннарумма "Манчестер Сити"да нималарга эришмоқчилигини айтди.
"Шаҳарликлар" ёзги трансферлар ойнаси ёпилиши олдидан италиялик футболчини ўз сафига қўшиб олди. Аввалги тўрт йилни дарвозабон "ПСЖ"да ўтказган.
"Мақсадим - тарихга кириш, клуб ва шаҳарнинг ҳақиқий рамзига айланиш. Мухлислар мен билан фахрланишларини истайман ва бунинг учун қўлимдан келганини қиламан, бор кучимни бераман. "Манчестер Сити" - тарихга эга клуб, у чўққига чиқишга лойиқ," - дея жамоада дебют қилмаган Доннарумманинг сўзларини келтиради City Report.













