"Барселона" ярим ҳимоячиси Гави тиззасидаги муаммолардан азият чекишда давом этмоқда. Сўнгги бир неча кун ичида ўйинчи баъзи яхшиланишларни ҳис қилмоқда, дейди Jijantes. Қулай шароитда 21 ёшли хавбек жарроҳлик амалиётини ўтказмаслиги мумкин, акс ҳолда артроскопия талаб этилади, бу эса испанияликни беш-олти ҳафтага сафдан чиқаради.

Эслатиб ўтамиз, Гави август ойи охиридаги машғулотларда жароҳат олганди. Дастлаб, футболчи тезда тикланиши мумкинлиги тахмин қилинган эди, аммо муаммо жиддий бўлиб чиқди. 2023 йилнинг ноябридан 2024 йилнинг октябригача ярим ҳимоячи худди шу тиззасининг хочсимон боғлами йиртилгани сабабли майдонга тушмаганди.