Бутунжаҳон Универсиада мусобақаларининг Дзюдо спорт турида 66кг. вазн тоифасида қатнашаётган Ришод Собиров ярим финалда имкониятни бой бериб қўйди.
Япониялик Томофуми Такажога қарши гиламга чиққан Ришод бу сафар имкониятни бой берди. Бунгача Ришод франциялик, жанубий африкалик ва польшалик рақибларини мағлубиятга учратганди. Энди Собиров бронза медали учун гиламга чиқиши мумкин бўлади.
73 килограммга вазнда татамига чиққан яна бир ҳамюртимиз Мирали Шарипов эса учинчи босқичда россиялик Мартин Загоровга имкониятни бой берди. Бунгача эса у эстониялик ва озарбойжонлик спортчиларни ортда қолдирганди.