"Вильярреал" вингери Николья Пепе август ойи якунларига кўра Ла Лиганинг энг яхши футболчиси деб топилди. 30 ёшли футболчи август ойидаги учта ўйинда иккита гол ва битта голли узатмани амалга оширди, "сариқ сув ости кемаси" эса тўққиз имкониятдан еттита очко тўплади.
Николья Пепе "Вильярреал"га ўтган йилнинг ёзида Туркиянинг "Трабзонспор" клубидан кўчиб ўтган эди. Ивуарлик футболчи бунгача "Арсенал", "Ницца", "Лилль" ва "Анже" клубларида тўп тепган.
Бугун Марселино Гарсия Торал жамоаси Испания чемпионати 4-тури доирасида "Атлетико" Мадрид меҳмони бўлади. Учрашув Тошкент вақти билан 00:00 да старт олади.
