Карло Анчелотти Бразилия терма жамоасини 2030 йилгача бошқармоқчи.
"Жамоани жаҳон чемпионатига тайёрлаш - ўзига хос нарса. Мен бир йиллик шартнома имзоладим. Ўша пайтда бу тўғри қарор бўлган деб ўйлайман. Жаҳон чемпионатидан кейин ҳамма мажбуриятлардан озод бўлади.
Агар федерация ҳамкорликни давом эттирмоқчи бўлса, менда ҳеч қандай савол бўлмайди. Ҳаммаси жойида. Мен бу ерда бахтлиман, менинг оилам ҳам. Биз бу ҳақда ўйлашимиз мумкин. Мен Бразилия терма жамоаси билан ишлашни давом эттиришга қарши эмасман. 2030 йилгача қолиш ажойиб бўларди", - деди Анчелотти.













