«Манчестер Юнайтед» сардори Бруну Фернандеш ўзининг етакчилик сифати ҳақида билдирилган танқидларга муносабат билдирди. Аввалроқ Рой Кин ва Гари Невилл португалиялик футболчининг жамоадаги етакчи сифатига шубҳа билан қараётгани ҳақида фикр билдирган эди.

«Мен одамлар ҳақида уларни яхши билмагунча хулоса чиқармайман», — дея Фернандешнинг сўзларини BBC келтиради.

Шу билан бирга, футболчи ўз хатти-ҳаракатларини бошқаларнинг фикрига қараб ўзгартирмаслигини таъкидлади.

Эслатиб ўтамиз, ўтган мавсумда Бруну Фернандеш «Манчестер Юнайтед»нинг энг самарали ўйинчисига айланганди — у 19 та гол уриб, 18 та голли узатма берган.