“Манчестер Юнайтед”нинг собиқ ҳимоячиси Рио Фердинанд Англия Премьер-лигасининг жорий мавсумидаги асосий фаворитлар ҳақида фикр билдирди.

“Бу мавсумда “Ливерпуль”га рақобат қила оладиган ягона жамоа — бу “Арсенал”. Жамоада аъло таркиб ва яхши трансфер ойнаси бўлди. Агар Виктор Дьёкереш мунтазам гол урса, уларнинг имкониятлари янада ортади”, — деди Фердинанд.

Эслатиб ўтамиз, учта старт учрашувидан сўнг “Ливерпуль” чемпионат жадвалида етакчилик қилмоқда — 9 очко. “Арсенал” эса 7 очко билан учинчи ўринда бормоқда.