“Manchester Yunayted”ning sobiq himoyachisi Rio Ferdinand Angliya Premyer-ligasining joriy mavsumidagi asosiy favoritlar haqida fikr bildirdi.

“Bu mavsumda “Liverpul”ga raqobat qila oladigan yagona jamoa — bu “Arsenal”. Jamoada a’lo tarkib va yaxshi transfer oynasi bo‘ldi. Agar Viktor Dyokeresh muntazam gol ursa, ularning imkoniyatlari yanada ortadi”, — dedi Ferdinand.

Eslatib o‘tamiz, uchta start uchrashuvidan so‘ng “Liverpul” chempionat jadvalida yetakchilik qilmoqda — 9 ochko. “Arsenal” esa 7 ochko bilan uchinchi o‘rinda bormoqda.