«Интер Майами» бош мураббийи Хавьер Маскерано жамоа ҳужумчиси Луис Суареснинг дисквалификациясига муносабат билдирди.
Маскеранонинг таъкидлашича, ҳам клуб, ҳам футболчининг ўзи МЛСнинг қарорига рози:
«Биз ниҳоят бу масалани ҳал қилдик, гарчи «Сиэтл»га қарши ўйин қандай якунлангани ва ундан кейин бўлган воқеалар бизга ёқмаган бўлса-да. Биз бутун мавсум давомида муҳим бўлган асосий таркиб ўйинчисини йўқотяпмиз», — деди Маскерано.
Эслатиб ўтамиз, уругвайлик форвард «Сиэтл» вакилига учрашув тугагандан кейин рақиб клуб ҳодимига тупурганди. Шунинг учун Суарес МЛСдаги учта ва Кубок Лигаси доирасидаги олти ўйинни ўтказиб юборишига тўғри келади.
