"Брентфорд" ярим ҳимоячиси Жордан Ҳендерсон "Челси"га (2:2) қарши ўйинда голли узатмани амалга оширди.

35 ёшли футболчи учрашувнинг 35-дақиқасида ҳисобни очган Кевин Шадега ассистентлик қилди. Хендерсон учун бу 2023 йил апрель ойидан бери Премьер-лигадаги биринчи голли ҳаракатдир (ўша пайтда "Ливерпуль" сафида "Лидс"га қарши ўйинда голли узатма бўлган).

Эслатиб ўтамиз, Жордан Хендерсон 2023 йилнинг ёзида "Ливерпуль"ни тарк этган, шундан сўнг Саудия Арабистонида "Ал-Иттифоқ"да ўйнаган, кейин эса Нидерландияда "Аякс" сафида тўп тепганди. Мерсисайдликларнинг собиқ сардори жорий мавсум бошланишидан олдин ватанига қайтиб келди.